Rəşad Əliyev (Müəllif)
Bir neçə həftə əvvəl üçüncü övladını dünyaya gətirən dünyaca məşhur supermodel Jizel Büdhen “Marc O'Polo” markasının yeni yaz reklam kampaniyasının siması olub.
OLAY yazır ki, fotoqraf Lahlan Beyli tərəfindən çəkilmiş görüntülərdə 44 yaşlı podium ulduzu okean fonunda bej rəngli palto, ağ şalvar kostyumu və trikotaj tunikada büstqaltersiz pozalar verib.
Brendin rəsmi saytında Jizel qlobal ikona, supermodelin təcəssümü, qürurlu ana, sahibkar, BMT səfiri və eko-aktivist kimi təqdim edilib.
Qeyd edək ki, bu ilin fevralında Jizel Bundhenin üçüncü dəfə ana olduğu məlum olub. Uşağın atası modelin 37 yaşlı jiu-citsu məşqçisi Yoahim Valentedir. Mənbələr iddia edir ki, Jizelin gəlirlərindəki ciddi fərqə görə Yoahimlə evlənmək planları yoxdur və sadəcə “onunla yaşamağa” üstünlük verir. Yeni doğulmuş körpədən başqa, onun 3 il əvvəl boşandığı keçmiş əri Tom Bredidən iki övladı var: 15 yaşlı oğlu Benjamin və 12 yaşlı qızı Vivian.
Bundhendən boşandıqdan sonra Tom Bredi qısa müddət ərzində İrina Şeyklə görüşüb. 2023-cü ildə İtaliyada bir toyda tanış olduqdan sonra başlayan romantikaları tez bir zamanda sona çatıb. Lakin son vaxtlar cütlüyün yenidən bir araya gəlməsi ilə bağlı xəbərlər yayılıb.
