Rəşad Əliyev (Müəllif)
Sağalmaz və ölümcül xəstəlikdən əziyyət çəkən dünya şöhrətli Hollivud aktyoru Brüs Uillisin kiçik qızı Tallulah ərə gedir.
OLAY yazır ki, bu haqda 69 yaşlı aktyorun 30 yaşlı qızı instaqram səhifəsində məlumat yayıb.
Belə ki, Tallulah izləyicilərinə barmağına taxdığı nişan üzüyünü nümayiş etdirib.
Onun seçdiyi yar isə musiqiçi Castin Aceydir. Cütlük təxminən iki ildir münasibətdədir. Sosial şəbəkələrdə aşiqlər özəl hadisənin videosunu da yayımlayıblar.
Qeyd edək ki, 2024-cü ilin yazında məlum olub ki, həkimlər Tallula Uillisə autizm diaqnozu qoyublar. Qızın sözlərinə görə, bu hadisə onun “həyatını alt-üst edib”. O, əvvəllər də psixi sağlamlıq problemləri və anoreksiya ilə uzun mübarizəsi haqqında açıq danışıb. Tallulahın vəziyyəti də atasının xəstəliyi ilə bağlı xəbərlər fonunda daha da pisləşib - 2022-ci ilin yazında Brüs Uillis mütərəqqi demensiyaya görə karyerasını bitirib.
69 yaşlı Brüs Uillisin Demi Murdan iki böyük qızı da var - 2023-cü ildə ilk dəfə ana olmuş 36 yaşlı Rumer və 33 yaşlı Skaut. Brüsun 2009-cu ildə evləndiyi indiki həyat yoldaşı, model Emma Heminqlə onun 10 və 12 yaşlı iki qızı var.
