Elvin Elxan (Müəllif)18 yaşlı Diana Ankudinovanın İtaliyada keçiriləcək “Avroviziya-2022”də Rusiyanı təmsil etmək üçün şansı böyükdür.
OLAY yazır ki, bu barədə “Super.ru” portalı məlumat yayıb. Qeyd olunur ki, , bu yaxınlarda birinci yeri qazandığı Showmaskgowan layihəsinin prodüserləri məhz bu gənc müğənniyə dəstək olur.
Bildirilir ki, Diana güclü səsə və qeyri-adi aşağı tembrə malikdir ki, bu da onun Avropa tamaşaçıları tərəfindən yadda qalmasına kömək edə bilər.
Məlum olub ki, NTV kanalının əsas əyləncə layihələrinin yaradıcısı və istedadlı müğənnini uzun müddət dəstəkləyən Timur Vaynşteyn Ankudinovanın namizədliyi ilə xüsusilə maraqlanır.
Yeri gəlmişkən, bu il Eurovision-un əsas namizədi Diana Ankudinova yarı azərbaycanlıdır və məktəbdə onun xarici görünüşünə görə dəfələrlə təhqirə məruz qalıb və bu Da tamaşaçıların ötən ilki təmsilçi Manijaya qarşı edilən irqi ayrı-seçkilikin təkrarlanması ilə bağlı xüsusi qorxu yaradır.
Diana hazırda Moskvada yaşayır. O, ilk dəfə beynəlxalq “Çin Gənc Sənətçilər Müsabiqəsi”ndən tanınıb.
Daha sonra isə Rusiyanın 1-ci kanalında keçirilən “Uşaqların Səsi-4” televiziya layihəsinin iştirakçısı olub. 2017-ci ildə Diana estrada janrında oxumaq üzrə gənclər arasında qızıl medala, MDB ölkələri arasında isə xüsusi diplom layiq görülüb.
2018-ci ildə isə Rusiyanın NTV kanalında yayımlanan “Sən Supersən!” televiziya vokal layihəsində qalib olub.
Diana Ankudinovanın atası azərbaycanlı Ceyhun Ankudinovadır. Diananın bioqrafiyasında bildirilir ki, o, 2003-cü il 31 mayda Prinoraki Territyasında anadan olub. Onun atası Ceyhun həbsxanaya düşüb. Anası Olqa isə içki alüdəçisi olub. Diana 3 yaşında olarkən anası onu avtobus dayanacağında qoyub gedib.
Diananın dediyinə görə, anası çox içir, onu döyürdü.
Xalası tərəfindən prokurorluğa şikayətdən sonra qəyyumluq idarəsi kiçik qızı ailəsindən alaraq, onu Ussuriskdəki körpələr evinə verir. Daha sonra Diana aldığı psixoloji travmalara görə reabilitasiya olunmaq üçün sanatoriyaya göndərilir. Burada masajçı işləyən İrina Ponik onu övladlığa götürür. Diana adı himayədarı İrina tərəfindən qoyulub.
