Dilşad Bəhruzqızı (Müəllif)
Xalq artisti Cavan Zeynallı tələbəlik illərində yaşadığı xatirələrini bölüşüb.
OLAY yazır ki, bu barədə cazmen “Evinizin qonağı” verilişində danışıb.
“Bir müəllim var idi, hamı ondan qorxurdu. Deyirdilər, təhlükəlidir, 2 yazmağı sevir... Mən imtahana gəldim. Müəllimə dedim ki, Qriqori Mixayloviç, mənə elə gəlir ki, siz mənə 2 verməyəcəksiniz. Dedi ki, kim deyir onu sənə?! Cavab verdim ki, mən sizin sevimli melodiyanı bilirəm. Eşitmişəm ki, siz “Podmoskovnye vechera”nı çalmısız. İndi sizin üçün o mahnını ifa edərəm, sözsüz ki, mənə 2 qoymayacaqsız. Oturdum, başladım, bam, bam, bam... Dedi ki, dayanın, siz məndən yaxşı ifa edirsiz, ona görə də sizə 2 yazmayacam. Və o mənə 4 qoydu, onun 4 yazmağı çox böyük qiymət idi”, - deyə, sənətçi bildirib.
