Samirə Ərəblinskaya (Müəllif)
Əfsanəvi Tina Törnerin martın 21-də çıxması planlaşdırılan “Private Dancer” albomunun 40-cı yubiley buraxılışında əvvəllər yayımlanmamış “Hot For You Baby” mahnısı yer alacaq.
OLAY yazır ki, avstraliyalı müğənni Con Pol Yanq tərəfindən yazılmış və prodüseri Con Karter olan bəstə əvvəlcə 1984-cü il buraxılışı üçün nəzərdə tutulubmuş. Yubiley nəşri bir neçə formatda, o cümlədən beş CD-də genişləndirilmiş versiya və yayımlanmamış treklər, canlı yazılar və videolar olan “Blu-ray” formatında olacaq.
Həmçinin sözügedən mahnı artıq Yutubda yayımlanıb.
Xatırladaq ki, rok-n-rollun kraliçası Tina Törner 2023-cü il mayın 24-də İsveçrədəki evində uzun sürən xəstəlikdən sonra vəfat edib.
