“Yenə dörd oğlun canından keçdi”

İş xanımı Ruhi Əliyeva ötən gün şəhid olan Azərbaycan hərbçiləri ilə bağlı paylaşım edib.

OLAY yazır ki, o, bu barədə sosial şəbəkə hesabında üzüntüsünü dilə gətirib:

“Sevgili məmləkətim! Sənin üçün yenə dörd oğlun canından keçdi. Kəpənək ömürlərin Vətən kəlməsi ürəklərdə başlayıb şəhadətlə bitdi. Bir hilalın, bir ayparanın, üç rəngin daha bir sevdası tarix yazdı, könüllərə həkk olundu. Canın yandı, amma torpağın cənnət qoxdu… Göz yaşımızın, üzüntümüzün təsəllisi yenə sən, sənin istiqbalın, sənin  sabahındır. Oğullarının şəhadəti mübarək!”.