Rəşad Əliyev (Müəllif)
Dünya şöhrətli Hollivud aktyoru Leonardo Di Kaprio yeni görünüşü ilə ətrafında müzakirə yaradıb.
OLAY yazır ki, buna səbəb sənətçin ötən gün Las-Veqasda baş tutan “Döyüşdən sonra döyüş” filminin qala gecəsində yeni obrazda gəlməsi olub.
Tədbirə 50 yaşlı Leonardo saçları, saqqalı və qaşları tünd rəngə boyanmış halda gəlib.
Di Kaprio, həmçinin uzunqol zamşa köynək və şalvar geyinib və görünüşünü qara çəkmələrlə tamamlayıb.
Sosial şəbəkədə aktyorun xarici görünüşündəki dəyişikliklərə müxtəlif reaksiyalar verilib.
Çoxları bu transformasiyanın onun sevimli 26 yaşlı Vittoria Çeretti ilə müqayisədə çox yaşlı görünmək istəməməsi ilə bağlı olduğunu irəli sürüb.
Qeyd edək ki, Leonardo Di Kaprio və italyan supermodel Vittoria Çeretti iki ildir ki, görüşür. Ötən ilin sonunda sosial şəbəkədə nişanla bağlı şayiələr yayılmağa başlasa da, aktyor bunları təkzib edib. Di Kaprio adətən 25 yaşdan yuxarı qızlarla görüşmür, lakin Vittoria istisnadır. Model daha əvvəl DJ Matteo Milleri ilə evli olub. Leonardo ilə münasibətləri boşandıqdan dərhal sonra başlayıb.
