Rəşad Əliyev (Müəllif)
Rusiyanın Xalq artisti Filip Kirkorov övladları 11 yaşlı Martin və 12 yaşlı Alla-Viktoriyanı nifrət zəminində Dubayın elit məktəbindən alaraq Moskvaya köçürüb.
OLAY yazır ki, bu barədə “Komsomolskaya Pravda” nəşri müğənniyə yaxın mənbəyə istinadən məlumat yayıb.
Əvvəllər Kirkorovun uşaqları İsveçrə Beynəlxalq Elmi Məktəbində təhsil alırdılar, burada adambaşına təhsilin dəyəri ildə 6,5 milyon rubl (təxminən 97656 manat) təşkil edir.
“Filipp hələ məktəbin adını açıqlamaq istəmir, o, Alla və Martinin getdiyi yeni məktəb Myakinində yerləşir. Uşaqlar səkkiz ballıq qiymətləndirmə sistemi ilə təhsil alırlar. Orada təhsil bir uşağa ildə 1 milyon rubla (təxminən 15024 manat) başa gəlir”, - deyə gizli mənbə bildirib.
Kirkorov daha əvvəl övladlarının mübahisəli reputasiyası və çoxsaylı plastik əməliyyatlara görə məktəbdə zorakılığa məruz qaldığını bildirib.
Kirkorovun övladları tez-tez informasiya məkanında peyda olur: məsələn, o, onların ad günlərini geniş şəkildə qeyd edir, bu mərasimə ulduzları dəvət edir, uşaqları bahalı hədiyyələrlə “yağışa” tutur. Bundan əlavə, Kirkorovun oğlu Martin artıq özünü dizayner, Alla-Viktoriya isə blogger kimi sınayıb və “TikTok”da qız atası haqqında tez-tez zarafat edir. Sənətçi buna baxmayaraq, varislərini təmin etmək fikrində olmadığını iddia edir və onlardan özlərinin çörəkpulu qazanmasını gözləyir.
Qeyd edək ki, bundan əvvəl Kirkorovun qızı Alla-Viktoriya videolarından birində surroqat ana tərəfindən dünyaya gətirildiyini bildirərək internetdə böyük səs-küyə səbəb olmuşdu.
