Rəşad Əliyev (Müəllif)
“Karib dənizinin quldurları” filminin ekranlara çıxdığı vaxtdan yeddi il sonra, dünya kinosunun ulduzu Conni Depp pərəstişkarlarını sevindirmək üçün “Captain Jack Sparrow” (Kapitan Cek) obrazına geri qayıdıb.
OLAY yazır ki, Hollivud aktyoru İspaniyanın San Sebastian şəhərindəki Donostiya xəstəxanasının uşaq onkologiyası şöbəsinə baş çəkib.
Təəssüratlarını bölüşən həkimlər bildiriblər ki, bütün səfər zamanı aktyor illüziyanı pozmamaq üçün xarakterində qalıb.
“Onlar güldülər və bir-birlərinə nağıl danışdılar və o, uşaqlara yaşadıqları çətinlikləri bir neçə dəqiqə unutmağa kömək etdi. Bu, həmin dövrdə şöbədə çalışan xəstələrə, ailələrə, tibb bacılarına, həkimlərə və bütün işçi heyətinə sevinc bəxş edən hədiyyə idi. Donostiya Universiteti Xəstəxanasının bütün kollektivi adından Conni Deppə ayırdığı vaxta, dəstəyinə və enerjisinə görə sonsuz minnətdarlığımızı bildirmək istərdik. O, bütün şöbə üçün təmiz hava idi”, - deyə tibb işçiləri bildiriblər.
