Əməkdar artist Elton Hüseynəliyevin instaqram səhifəsi qaytarıla bilmir.
Bu barədə OLAY-a sənətçinin xanımı Tamilla Hüseynəliyeva məlumat verib. O bildirib ki, martın 26-dan bu yana ifaçının instaqram hesabı ələ keçirilib:
“Bu işlə məşğul olan bir neçə nəfərə müraciət etmişəm, amma hələ heç birindən xəbər yoxdur. Neçə nəfər üzərində işləyir, təəssüf ki, geri qaytara bilmirik. Hüquq-mühafizə orqanlarına müraciət etmədik. Axı bilmirəm ki, bunu kim edib? Ona görə heç bu barədə düşünməmişəm”.
Qeyd edək ki, Hüseynəliyevin instaqramda 300 minə yaxın izləyicisi var idi.
