Samirə Ərəblinskaya (Müəllif)
Bir müddət əvvəl “Xəzər” TV-də qalmaqallı “Bir gün sizdə, bir gün bizdə” verilişindən ayrılan aktrisa Xəyalə Quliyevanı əvəz edəcək aparıcının adı açıqlanıb.
OLAY yazır ki, ARB-də “O üz” proqramı ilə tamaşaçıları salamlayan aktrisa Fidan Axundova sözügedən kanala transfer olub.
Bu barədə OLAY-a Axundova özü məlumat verib.
““O üz” proqramından ayrılmışam. Layihə isə yayımlanmağa davam edəcək”, - deyə, aktrisa bildirib.
Qeyd edək ki, X. Quliyeva “Bir gün sizdə, bir gün bizdə” verilişindən ötən aylarda ayrıldığını açıqlamışdı. Proqram zaman-zaman qalmaqallı iştirakçıları ilə gündəm olurdu. Hətta aktrisa Cəmilə Tağızadə də sözügedən layihədə iştirak etmiş və ona qarşı haqsızlıq edildiyini, pulunun mənimsənildiyini bildirmişdi.
