Samirə Ərəblinskaya (Müəllif)
Qarabağ FK ikinci liqa təmsilçisi “Hypers Quba”nın 20 yaşlı yarımmüdafiəçisi Denis Edilovu heyətinə cəlb edib.
OLAY yazır ki, Denis, daha öncə Türkiyədə “Karaman FK” klubunda çıxış edib və sonradan “Hypers Quba”nın heyətinə qoşulub. Perspektivli və gələcək üçün ümidverici oyunçu kimi tanınan Denis yarımmüdafiənin sağ cinahında oynayır.
“Qarabağ”ın bu transferi ilə bağlı “Hypers Quba” klubunun prezidenti Ayaz Abdullayev bunları bildirib: “Qarabağ’dan bizə sorğu gəldi. Denis bizdən öncə Türkiyədə oynayırdı. Perspektivli və gənc oyunçudur. Daha da yaxşı yerlərdən sorağı gəlsin.”
“Qarabağ”ın heyətində öz bacarıqlarını ən yüksək səviyyədə göstərəcəyinə inanılan Denis Edilovun peşəkar karyerasında yeni bir mərhələ başladığı vurğulanır. “Hypers Quba” ailəsi isə Denisə yeni komandasında uğurlar diləyib və ona olan inamlarını ifadə edib.
