Pərviz Hüseyn (Müəllif)
“Birinci xanım” status və nümunəvi üslub deməkdir. Bu statusa layiq olmaq üçün müdriklik və gözəllik, cazibə və dözüm, yaxşı zövq və digər keyfiyyətləri bir araya gətirmək lazımdır.
Bu gün gözəl bir qadından, Şərq regionunun ən nüfuzlu xanımlarından biri olan, Birinci vitse-prezident Mehriban Əliyevadan bəhs etmək istəyirəm.
Mehriban Əliyeva postsovet məkanında həyat yoldaşının kölgəsindən çıxmaqla kifayətlənməyib, həm də dövlətin görkəmli siyasi fiqurlarından birinə çevrilmiş yeganə Birinci xanımdır. Bu gün o, ölkədə ikinci şəxsdir.
Təhsilli və əzmli Mehriban Əliyeva yalnız ailəsini qoruyan yox, həm də peşəkar sahədə uğur qazanmağa çalışan bir çox Şərq qadını üçün nümunədir. Əliyevaya həmişə nümunəvi həyat yoldaşı və ana rolunu karyera ambisiyaları ilə harmonik şəkildə birləşdirmək müyəssər olub. Üstəlik, hər zaman etalon gözəl olaraq qalıb. Elə bilin ki, onun öhdəsindən gələ bilməyəcəyi heç nə yoxdur.
Bununla belə, məqalədə Birinci xanımın siyasi fəaliyyətindən deyil, onun xarakterini ən yaxşı şəkildə əks etdirən üslubundan bəhs ediləcək...
Çoxlarımız stereotiplərin təsiri altında düşünürük ki, əhalisinin əksəriyyəti İslamı qəbul edən bir ölkənin Birinci xanımı sadə, diqqət çəkməyən geyimlər seçməli və ya hətta hicab geyinməlidir. Lakin Azərbaycan dünyəvi bir dövlətdir və burada qadınlar necə geyinəcəklərinə özləri qərar verirlər.
Mehriban Əliyeva təsir yaratmağı bacarır. Onu müsəlman dünyasının ən zərif qadınlarından biri adlandırırlar. Əliyevanın obrazları nə Şərq dəbdəbəsinin nümayişkarlığına, nə də Avropa sadəliyinin sıxıcı ortalamasına sürüklənmədən, Şərq şıqlığı ilə Avropa lakonizmi arasında incə bir balans yaradır.
Vitse-prezidentin geyimləri aydın xətlər, sadə kəsim və minimal dekorasiya ilə xarakterizə olunur ki, bu da nəcib rənglər, maraqlı detallar və qüsursuz icra keyfiyyəti ilə kompensasiya olunur.
“First lady” böyük beynəlxalq brendlərin geyimlərinə üstünlük versə də, azərbaycanlı dizaynerlərinin işlərini də diqqətdən kənarda qoymur. Onun qarderobu geniş və çoxşaxəlidir: moda klassiki Corcio Armanidən tutmuş, yerli dizayner Rüfət İsmayılın işlərinə qədər...
Əliyeva aktual trendləri və zamansız geyimləri ustalıqla birləşdirir, işgüzar üslubu darıxdırıcı və adi görünməməsi üçün məharətlə istifadə edir. Bunun üçün Birinci xanımın arsenalında bir çox vasitələr var: canlı tonlarda futlyar paltarlar, orijinal naxışlı bluzlar, uçuşan ətəklərlə tamamlanmış ciddi pencəklər və zərif axşam geyimləri...
İncə və sıx bədən quruluşu ona moda eksperimentləri üçün geniş imkanlar yaradır. Əliyeva mini uzunluğu, yüksək dikdaban ayaqqabıları və bədənə oturan siluetləri sevir. İllər keçsə də, onun üçün zaman dayanıb.
Fərqli illərin fotolarını müqayisə edərkən, Birinci xanımın demək olar ki, dəyişmədiyini, lakin üslubunun köklü şəkildə yeniləndiyini görmək olar.
Futlyar geyimi
Moda ekspertləri Birinci xanımının üslubunu yüksək qiymətləndirirlər. Onun ən sevimli geyim forması - futlyar paltarıdır, bu geyim onun zərif bədən quruluşunu mükəmməl vurğulayır.
O, Şərq qadını haqqında mövcud olan stereotipləri sındırmağı və hər hansı bir Avropa qadını kimi zərif görünə biləcəyini vurğulamağı bacarır. Hətta bəlkə də daha yaxşı!
Trapez ətək
“Trapez” ətək modeli əksər xanımlara uyğundur. Hətta bədən ölçüləri ideal olmasa belə, bu modeli seçməkdən çəkinmək lazım deyil. Əliyevin xanımı beynəlxalq səyahət və turizm sərgisini ziyarət edərkən, uzunqol, yüksək yaxalıqlı solğun bənövşəyi rəngdə bluz ilə qara rəngli dəri trapez ətək seçmişdi.
Piliseli ətək
Piliseli ətək 2019-cu ilin trendi oldu və müxtəlif naxışlarla bəzədilmiş modellər xüsusi populyarlıq qazandı. Lakin sadə rəngli nümunələr də moda həvəskarlarının sevimli qarderob elementi oldu. Mehriban Əliyeva Bakıda keçirilən 22-ci Beynəlxalq Xəzər Neft və Qaz Sərgisinin açılış mərasimi üçün ağ piliseli ətək və yuvarlaq yaxalıqlı, kombinə edilmiş naxışlı zərif bluz seçmişdi.
Baş örtükləri...
Azərbaycan Prezidentinin xanımı Avropa modasına maraq göstərir və geyimlərini ləyaqətlə daşıyır, amma baş örtüklərini də unutmur...
Bir sözlə, Mehriban Əliyeva təkcə görkəmli ictimai xadim deyil, həm də həqiqi zəriflik və dəb ikonudur. Onun seçimləri həmişə qüsursuzdur, həm Azərbaycanda, həm də beynəlxalq miqyasda rezonans doğuran incə zövqü əks etdirir. Mehriban Əliyevanın zamansız zərifliyi müasir trendlərlə birləşdirən mürəkkəb üslubu onu moda dünyasında əhəmiyyətli təsirə malik edib. Ənənəvi elementləri müasir dizaynlarla asanlıqla birləşdirmək bacarığı onu zəriflik üçün nümunəvi rol modelə çevirib. Mən onu çox təqdir edirəm, çünki o, öz fərqli və “cool” yanaşması ilə bir çoxlarını ilhamlandırmağa davam edir.
