Pərviz Hüseyn (Müəllif)
“Azərbaycanı Avroviziya Uşaq müsabiqəsində təmsil edən Sona möhtəşəm çıxış etdi. İTV-də yayımlanan “Səs Uşaqlar”da da mən onu eşidən kimi demişdim ki, mübahisəsiz birinci yerə layiqdir. Amma yarışda ikinciliyi qazanmışdı. O bir daha vokal imkanlarını ustacasına sərgilədi”.
OLAY yazır ki, bu sözləri reper ProMete (Pərviz İsaqov) sosial media hesabında yazıb. O, təmsilçimiz Sona Əzizovanın mahnısının söz müəllifini tənqid edib:
“Gələk mahnıya, mahnı musiqi olaraq əladır, əsl yarışlıq mahnıdır. Amma sözləri… Dostlar, siz ciddisiz? Bu mahnının Azərbaycan dilində olan hissələri hansı Azərbaycan dilindədir? Bu nə rabitəsiz mətndir? Aramızda kim bu cür danışır və ya düşünür? Bizə bəstəkarlardan melodiyalar gələndə üstünə rabitəsiz mətnlər mızıldanırıq bax onda bu cür feli-mübtədası qarışıq mətnlər çıxır. O da kant unudulmaması üçün tez oxuyuruq deyə olur. Amma belə bir xam mətni özü də nəqaratda necə yarışa yollamaq olar axı? Mən anlamıram, baxın bəlkə siz anladınız.Belə şeylər mütləq ictimai müzakirəyə çıxarılmalıdır ki, rahatlaşmayaq”.
Onun bu tənqidi isə mahnın söz yazarı Cavid Şahbazbəyovu hiddətləndirib. O, ProMeteyə “Səninlə görüşüb müzakirə edərik bunu” rəyini yazıb.
Mahnının sözlərini təqdim edirik:
“Just one of those days (sadəcə o günlərdən biri)
Orda hisslərim
Gizlənib, gözləyir
Yenə dolu gözlərim
Səni səsləyir
Just one of those days (sadəcə o günlərdən biri)
İnan özünə
Qovuşan, alışan
Mələk kimi gözlərim
Səni səsləyir”.
