Samirə Ərəblinskaya (Müəllif)
Tanınmış aktrisa Nərgiz Əliyevanın başına iş gəlib.
OLAY yazır ki, sənətçi şəhərin mərkəzində naməlum şəxsin hücumuna məruz qalıb. O, bu barədə instaqramda yazıb.
Polisə müraciət edən aktrisa maşında əyləşdiyi zaman sözügedən şəxsin ona tərəf gəldiyini deyib:
“Dünən təxminən saat 17:00 radələrində şəhərin mərkəzində- Nizami küçəsində bir kişi maşınıma yaxınlaşdı. Yaxşı ki, həmin dəqiqə qapıları bağladım. Sonra maşının qapısını açmağa çalışdı, pəncərəyə yumruqlar vurdu. Çox qorxdum. Maşında qızım da ola bilərdi. Nə isə... Bunu yazmaqda məqsədim odur ki, həmin dəqiqə heç kim kömək etmədi. Kənardan kişilər baxıb gülürdülər. Polisdən xahiş edirəm bu insanı tapıb, izahatını alsınlar. Bilmək olmaz, sabah nə baş verəcək və kimin qarşısına çıxacaq”.
