Rəşad Əliyev (Müəllif)
Əməkdar artist Dilarə Əliyeva efirdə kövrəlib.
OLAY yazır ki, “Qonaqcanlı” verilişində qonaq olan sənətçi ona həsr olunan süjeti izləyərkən ağlayıb.
D.Əliyeva həmin an keçirtdiyi duyğularını bu sözlərlə ifadə edib:
“Təbii ki, hər bir insanın həyatından ağrıları, acıları var. Elə məqamlar var ki, hər kəsi sızladır. Hər kəs bunu bilir. Siz də bu məqamlara həssaslıqla toxunmusunuz”.
Qeyd edək ki, Dilarə Əliyevanın həyat yoldaşı Oqtay Əliyev 22 mart 2023-cü ildə yol-nəqliyyat hadisəsi nəticəsində dünyasını dəyişib. Belə ki, Abşeron rayonu ərazisində onun idarə etdiyi “Toyota Lexus” markalı avtomobil yolun hərəkət hissəsindən çıxaraq aşıb. Hadisə nəticəsində 54 yaşlı Oqtay Əliyev dünyasını dəyişib, avtomobildə olan Xalq artisti Mehriban Zəki yaralanıb, əməkdar artist, tanınmış aktrisa Dilarə Əliyeva isə yüngül xəsarətlər alıb.
