Pərviz Hüseyn (Müəllif)
Keti Perri jürisi olduğu “American Idol” yarışmasının 21-ci sezon seçimlərində qəzəbini və kədərini gizlədə bilməyib.
OLAY yazır ki, 21 yaşlı döşək satıcı Trey Luis “Stone” mahnısını ifa edərək yarışmaya qatılmaq istəyib. Onun mahnını ürəkdən ifa etməsi üç münsifi ayağa qaldırıb. Jüri heyəti onun mükəmməl səsinin olduğunu bildiriblər.
“Mən Texas ştatının Santa Fe şəhərindənəm. 2018-ci ilin mayında məktəbimə silahlı basqın oldu. Çox dost itirdim. Səkkiz tələbə, iki müəllim öldürüldü”, - deyə, başına gələnləri və mahnını ürəkdən oxumasından söz açıb.
Bu zaman Keti Perri göz yaşlarına boğulub və qışqırmağa başlayıb:
“Ölkəmiz bizi uğursuzluğa düçar etdi! Bu, yaxşı deyil. Sən burada musiqini sevdiyin üçün oxumalısan. Ona görə yox ki, o lənətə gəlmiş öküzlərin yanından keçməli idin. Səkkiz dostunu itirməli deyildin! Ümid edirəm ki, insanlara dəyişməli olduğumuzu xatırladacaqsınız, çünki mən də qorxuram!”.
Daha sonra jürilər onun yarışmaya qəbul olduğunu söyləyib.
Qeyd edək ki, 2018-ci ildə Santa Fe silahlı hadisəsi o dövrdə ölkə tarixində üçüncü ən ölümcül orta məktəb basqını hesab olunurdu.
