Rəşad Əliyev (Müəllif)
Latviyanın Xalq artisti Layma Vaykulenin Rusiyadakı mülkünü itirə bilər.
OLAY yazır ki, sənətçinin Moskvadakı 56 milyon rubl (təxminən 1,1 milyon manat)dəyərində olan mənzili dövlətə verilə bilər.
“Xalqın çağırışı” ictimai hərəkatının nümayəndələri Xüsusi hərbi əməliyyatı (Rusiyanın Ukraynaya hücumu – red.) qınayan ulduzun hələ də Moskvada dəbdəbəli mənzillərə sahib olduğunu aşkar edib.
Fəallar paytaxtın “Zoologiçeskaya” küçəsində yerləşən və dəyəri 56 milyon rubl olan dəbdəbəli mənzilin Laymadan alınaraq dövlətə təhvil verilməsini tələb edirlər.
Xalqın Çağırışı Nümayəndələri artıq öz təşəbbüslərini müvafiq orqanlara təqdim ediblər: Dövlət Əmlakının İdarə Edilməsi üzrə Federal Agentlik və Rusiya Baş Prokurorluğu (müvafiq sənəd “Abzats” nəşri tərəfindən alınıb).
Fəallar qeyd ediblər ki, Vaykulenin bəyanatları və hərəkətləri Rusiyanın maraqlarına qarşı yönəlib və ölkənin təhlükəsizliyinə xələl gətirir və bu, onun əmlakının dövlət xeyrinə müsadirə edilməsinə səbəb olur.
