Samirə Ərəblinskaya (Müəllif)Müğənni Gülben Ergen haqqında çıxan eşq xəbərlərinə üsyan edib.
OLAY yazır ki, məşhur vəkillə sevgili olduğu iddia edilən ifaçı status paylaşıb. O, bu xəbərlərin yayılmasından narahat olduğunu dilə gətirib:
“Şəxsi həyatıma daxil edib, sonra çıxartdığınız adamlar siyahısından bezdim. Kimdən soruşdun? Kimdən eşitdin? Ordan-burdan eşitdiyiniz həqiqətə uyğun olmayan ifadələrdən başqa yazdıqlarınızın doğruluğunu göstərən heç nə yoxdur. Ola da bilməz! Siz mış-muş jurnalistlərisiniz. Ailəm, işim, şəxsi həyatım sizin zehniyyətinizlə uyğunlaşmır. Səhnəyə, kostyumuma, saça və geyimə istədiyinizi yazın. Amma ürəyim və ailəmə yox! Məhkəmə ilə məşğul etməyin məni”.
