Rəşad Əliyev (Müəllif)
Dünya şöhrətli Hollivud aktrisası Nikol Kidman Avstraliyada istirahətdə olarkən paparassilərin obyektivinə tuş gəlib.
OLAY yazır ki, 57 yaşlı aktrisa əri Keyt Urban, kiçik qızı Fait Marqaret və bacısı Antoniya və ailəsi ilə Sidney çimərliklərinin birində görüntülənib.
Kidman sevdikləri ilə vaxt keçirib və qara çimərlik paltarında okeanda üzüb, 13 yaşlı qızı Fait isə çimərlik tətili üçün zebra rəngli bikini seçib.
Aktrisa sentyabrda anası Janelin ölümündən sonra ilk Milad bayramını qohumları ilə keçirmək üçün doğma Avstraliyaya gəlib.
Qeyd edək ki, Fait Marqaret Kidman-Urban 2010-cu ildə surroqat anadan dünyaya gələn Nikol Kidman və Keyt Urbanın kiçik qızıdır. Aktrisa həyat yoldaşı ilə 2006-cı ildən evlidir. Onların 16 yaşlı Sandey adlı böyük qızı var. Kidmanın həmçinin Tom Kruzla evliliyi zamanı övladlığa götürülmüş Bella və Konnor adlı iki yetkin uşağı var.
