Dilşad Bəhruzqızı (Müəllif)
İlin ən çox baxılan filmlərinin siyahısı açıqlanıb.
Pandemiya səbəbindən çətin günlər yaşayan kino sahəsi 2022-ci ildə tamaşaçıları ekrana cəlb etməyi bacarıb. “Box Office Turkey”in məlumatına görə, Türkiyədə ilk 8 ayda cəmi 375 film nümayiş olunub.
OLAY ən çox baxış toplayan türk filmlərini təqdim edir:
1. “Bergen”
“Acıların kadını” olaraq tanınan və qətl nəticəsində dünyasını dəyişən müğənni Belgin Sarmışerin həyatından bəhs edən “Bergen” filmi 5 milyon 478 min 944 tamaşaçı ilə ilin ilk 8 ayında ən çox izlənilən film olub. Filmin baş rollarını Farah Zeynep Abdullah və Erdal Beşikçioğlu canlandırıb.
2. “Kesişme – İyi ki varsın Eren”
2017-ci ildə Trabzonda terrorçularla qarşıdurmada şəhid olan Eren Bülbül və Astsubay Baş Çavuş Ferhat Gedikin hekayəsindən bəhs edən filmə 2 milyon 326 min 506 tamaşaçı baxıb. Ekran işində baş rolları isə İsmail Hacıoğlu, Rahman Beşel, Alayça Öztürk oynayıb.
3. “Dilberay”
Siyahının son filmi türk xalq musiqiçisi Dilber Ayın həyatını əks etdirən “Dilberay” filmidir. Baş rollarında Büşra Pekin, Ayberk Pekcan, Nursel Köse kimi adların rol aldığı film 686 min 495 tamaşaçı tərəfindən izlənib.
