Samirə Ərəblinskaya (Müəllif)
Bir çox dünya ulduzundan sonra Madonna haqqında da film çəkiləcək.
OLAY yazır ki, uzun müddətdir sənətçinin tərcümeyi-halı əsasında hazırlanan ssenari nəhayət ekranlaşdırılacaq.
Bu çətin rolu kimin ifa edəcəyi isə maraq doğurur. Belə ki, həmin aktrisa gündə 11 saatlıq rəqs dərslərini və Madonnanın da iştirakı ilə həyata keçəcək olan səs təlimlərini gözə almalıdır.
Rol ilə bağlı isə bir neçə simanın adı çəkilir. Siyahıdakı ən güclü namizədlərdən biri bu yaxınlarda “İnventing Anna” filmində izlədiyimiz Culiya Qarnerdir.
“Euphoria” serialı ilə getdikcə populyarlaşan Sidney Svini də namizədlər sırasındadır.
Onu da əlavə edək ki, baş rol üçün Florens Pugh, Emma Laird, Sky Ferreyra, Alexa Demie və Odessa Yanq da nəzərdə tutulub.
