Samirə Ərəblinskaya (Müəllif)
Aktyor Hikmət Rəhimov kino ittifaqları və Mədəniyyət Nazirliyi ilə bağlı qalmaqallı açıqlama verib.
OLAY yazır ki, bu barədə o, “10-da görüşək” verilişində danışıb.
Sənətçi deyib ki, sözügedən qurumları tanımır və qəbul etmir:
“Mən iki kino ittifaqını (Azərbaycan Respublikası Kinematoqrafçılar ittifaqı və Azərbaycan Kinematoqrafçılar ittifaqını - red.) və Mədəniyyət Nazirliyini, ümumiyyətlə, belə qurumları tanımıram. Heç birinə də üzv deyiləm. Hətta “Fəryad 2” filmində baş rol oynayanda Vaqif müəllim (Xalq artisti Vaqif Mustafayev - red.) dedi ki, gəl, ittifaqa üzv ol. Mən də dedim ki, siz orada nə işlə məşğulsunuz? Deyin, mən də gəlim, o işi görüm. Bu ittifaqları qəbul etmirəm. Şou üçün demirəm, kino adına ciddi iş görmürlər”.
