Pərviz Hüseyn (Müəllif)
“Endorphin” agentliyinin yaradıcılarından biri olan Orxan Kərimov Kann Lions Beynəlxalq Yaradıcılıq Festivalında ölkəmizi təmsil edəcək.
OLAY yazır ki, bu barədə o, özü məlumat yayıb. Orxan bildirib ki, “Direct Lions” kateqoriyası üzrə münsiflər heyətinin üzvü seçilib.
Bu, Azərbaycanın bu nüfuzlu platformada ilk dəfə rəsmi iştirakıdır. Təmsilçimizin sözlərinə görə, bu təyinat həm onun şəxsi karyerası, həm də ölkənin yaradıcı sektoru üçün böyük addımdır:
“Azərbaycanın yaradıcı səsi artıq qlobal söhbətin bir hissəsidir. Mən 2025-ci ilin yaradıcı standartlarını formalaşdıracaq ideyaların seçimində iştirak edəcəyim üçün qürur duyuram” – deyə, bildirib.
Qeyd edək ki, O.Kərimov ötən günlərdə “Baku Flames” festivalı ilə dünyanın müxtəlif ölkələrindən spikerlər və marketinq sahəsində uğur qazanmış insanları bir araya toplamışdı.
