Rəşad Əliyev (Müəllif)
Musiqi fəaliyyətinə 15 il əvvəl sonlandıran Rusiyanın Xalq artisti Alla Puqaçovanın iki yeni mahnısını təqdim edib.
OLAY yazır ki, primadonnanın həmin nəğmələri 2023-cü ildə Rusiyaya gələn zamanı səs yazma studiyaların birində yazdırdığı üzə çıxıb.
Böyük Vətən Müharibəsinə həsr olunmuş iki mahnını dincləyicilərin ixtiyarına verən Puqaçova qalmaqalın mərkəzinə düşüb.
Təhlükəsizlik və Korrupsiyaya Qarşı Mübarizə üzrə Federal Layihənin rəhbəri Vitali Borodin hesab edir ki, Puqaçovanın “Mama” mahnısı xüsusi hərbi əməliyyatı gözdən salmaq üçün yoxlanılmalıdır.
“NEWS.ru” saytı ilə söhbətində Borodin, artıq Baş Prokurorluqla əlaqə saxladığını deyib.
O vurğulayıb ki, ekspertizanın nəticələrini gözləmək və tələsik nəticə çıxarmaq olmaz:
“Biz bunu xüsusi hərbi əməliyyatın gözdən salınması kimi qiymətləndiririk. Bunu özəl təşkilatlar deyil, Daxili İşlər Nazirliyi və ya Ədliyyə Nazirliyinin ekspertləri qiymətləndirməlidir. Bu gün biz Rusiya Silahlı Qüvvələrini gözdən salmaq üçün bir sıra müraciətlər hazırlayacağıq. Puqaçova Qərbin gündəmini dəqiq yerinə yetirir, heç müzakirə olunmur. Guya vətənpərvərlik gündəmi ilə gəlib, amma burada vətənpərvərlik yoxdur, bunlar Qərb dərslikləridir”.
Qeyd edək ki, son vaxtlar Alla Puqaçova əri Maksim Qalkin (Rusiya Federasiyasında “xarici agent” kimi tanınıb) və onların kiçik övladları, əkizləri Liza və Harri ilə birlikdə Kiprdə yaşayır.
