Pərviz Hüseyn (Müəllif)
TRT1-in Tims&B Production imzalı məşhur serialı “Teşkilat”-a tanınmış aktyor Erkan Petekkaya qonaq olacaq.
OLAY yazır ki, daha əvvəl eyni şirkətin istehsalı olan və “Yasak Aşk” adlanan serialda rol alacağı elan edilən, lakin layihəsi təxirə salınan aktyor indi “Teşkilat”da “Ejder” adlı xarakteri canlandıracaq.
Ejder yeraltı aləminin ən qorxulu və təhlükəli fiqurlarından biri kimi təsvir edilir. O, amansızlığı, iti zəka və sərhəd tanımayan cəsarəti ilə tanınır. Keçmişdə qardaşı ilə güc mübarizəsinə girərək sürgün edilən Ejder uzun illərdən sonra geri qayıdır. Onun dönüşü yalnız masada deyil, həm də Kraliçanın dünyasında bütün balansları dəyişəcək.
Ejderin xarakteri qaranlığı və xaosu təmsil edir. Girdiyi hər mühitdə qorxu və çaxnaşma yaradan Ejder seriala yeni və həyəcanlı bir dinamika gətirəcək.
