Rəşad Əliyev (Müəllif)
Dünya pop səhnəsinin ulduzu 32 yaşlı Selena Qomez sevgilisi, 36 yaşlı musiqi prodüseri Benni Blanko ilə evlənir.
OLAY yazır ki, bu haqda sənətçi sosial şəbəkə hesabında məlumat yayıb
Sevgilisi Bennidən evlənmək təklifi alan Selena ona “Hə” cavabını verib.
Qomez Blanko ilə üzüklərinin fotosunu da paylaşıb.
Pop ulduz sözügedən postun altında “Əbədiyyət indi başlayır” qısa şərhini yazıb. Blanko ona piknik zamanı evlilik təklifi edib.
Qeyd edək ki, Selena və Benni keçən il görüşməyə başlayıblar. O vaxtdan bəri Qomezin pərəstişkarları onun seçimini daim tənqid edirlər. Bəziləri onun səhhətindəki problemləri daha da ağırlaşdıra biləcək pis vərdişlərə qayıtmasına təsir edənin məhz Benni olduğuna inanır, lakin digər pərəstişkarları yalnız onun yanında Selenanın həqiqətən xoşbəxt göründüyünü iddia edirlər.
Xatırladaq ki, Selena ayrılan və sonra yenidən münasibətlərini bərpa etdiyi Castin Biberlə çətin münasibət yaşayıb. Nəhayət ayrıldıqdan sonra Qomez depressiya ilə üzləşib.
