Rəşad Əliyev (Müəllif)“İnam olmayan yerdə hər zaman söz-söhbət olur. İndi insanları yaxınıma buraxmıram. Əvvəllər ətrafım çox idi və onlara inanırdım. Amma artıq onlardan uzaqlaşmışam. Ətrafımda yalnız həyat yoldaşım və anamdır”.
OLAY yazır ki, bu sözləri aparıcı Çinarə Əliyeva qonaq olduğu “Nigar xanım” verilişində deyib. Televiziya ulduzu bildirib ki, ailəsindən kənar heç kimə inanmır:
“Artıq heç kimə özüm haqda heçnə danışmıram. Dinləməyi xoşlayıram. Ailəmdən başqa heç kimə inanmıram. Kiməsə öz həyatından nələrisə danışırsan və sabah sənin aran onunla dəyəndə ikiniz arasında olan məsələləri gedib başqa şəxslərə danışır. Halbuki sən ona inanmısan və həyatından olanları danışmısan. Deyirlər ki, qadının düşməni elə qadınlardır. Mənə sosial şəbəkədə ən çox irad yazanlar da qadınlardır. Bəlkə də tanışlarımdır, bilmirəm…”.
Qeyd edək ki, həkim-cərrah Ruslan Rəsulla ailəli olan Çinarə bir müddət əvvəl ana olsa da, körpəsini itirib. Buna səbəb isə uşağın qeysəriyyə əməliyyatı ilə doğulduqdan sonra ağciyərində yırtıq əmələ gəlməsi olub.
