65 yaşlı dizayner Con Qalliano, daha əvvəl antisemit ifadələrinə görə moda sənayesində “imtina olunan” şəxsə çevrildikdən sonra Metropolitan Muzeyində onun yaradıcılığına həsr olunacaq fərdi sərgidən və şərəfinə keçiriləcək “Met Gala” tədbirindən imtina edib.
OLAY yazır ki, bu qərar kütləvi tənqid və yəhudi icmaları ilə bağlı yaranan qalmaqaldan sonra verilib.
“Uzun müddət düşündükdən və bütün iştirakçılarla müzakirələr apardıqdan sonra böyük kədərlə sərgidən imtina etməyin daha doğru olduğuna qərar verdim. Sözlərimin, xüsusilə də Asiya və yəhudi icmalarına vurduğu ağrıya görə məsuliyyət daşıyıram. Buna görə hələ də dərin təəssüf hissi keçirirəm. Başa düşürəm ki, bağışlanmağa sərgi, institusional tanınma və ya bir dəfəlik ictimai jest vasitəsilə nail olmaq mümkün deyil. Ətrafımdakı qalmaqalların Metropolitan Muzeyini çətin vəziyyətə salmasını və ya Kostyum İnstitutunun Balının əsas ideyasından diqqəti yayındırmasını istəmirəm” deyə Qalliano İnstaqram hesabında yazıb.
