“Şəhid əmanəti ilə baş-başa qaldı”

Aparıcı Zaur Baxşəliyev Əməkdar artist Aybəniz Haşımovanın xərçəngə qalib gələn bacısı Şəhla Haşımova ilə görüntüsünü paylaşıb.

OLAY yazır ki, Zaur Gəncədə çəkilişdə olan vaxt Ş. Haşımova ilə rastlaşdığını vurğulayıb.

Görüntülərdə onlar Aybəniz Haşımovanın “Nə gəlməz oldun” mahnısını ifa ediblər.

“Bu mahnını onun ifasında eşidəndə o qədər qəhərlənmişdim, elə bilirdim şəhid olan həyat yoldaşı üçün ifa edib. Amma çox sonralar bildim ki, o bu mahnını ömür yoldaşı sağ ikən ifa edibmiş. Sanki ürəyinə dammışdı cəmi bircə il evlilik həyatı yaşayacağını. Onu qarşıda uzun ağır bir yol gözləyəcəyini sanki hiss eləmişdi. O bir şəhid əmanəti ilə baş-başa qaldı. Dözdü, səbr elədi… Bir neçə həftə əvvəl Gəncədə çəkilişdə olanda, kadrda gördüyünüz bu xanımla rastlaşdım. Onu görən kimi bacısının repertuarından ən sevdiyim mahnını zümzümə elədim. Gözəl səsinin olduğunu bildiyimdən oxumağını istədim. Bir az çəkindi, bir az utandı, bəlkə də sənətkar bacısına layiq bir ifa olmayacağından, bəlkə də ağır xəstəlikdən sivrilib can qurtardığı üçün bu qədər çəkingən, ürkək idi. Həyat sürprizlərlə doludur”, - deyə, Z. Baxşəliyev paylaşımında qeyd edib.