Samirə Ərəblinskaya (Müəllif)
Müğənni Ayaz Babayevin Bakı Dövlət Universitetindəki (BDU) konserti ləğv olunub.
OLAY yazır ki, bu barədə müğənni özü instaqramda məlumat yayıb. O bildirib ki, məsələ universitet rəhbərliyi ilə əlaqəlidir:
“Mənə hədsiz sayda mesaj gəlir, hətta təhqir edənlər də var ki, niyə aldatdınız, gəlmədiniz. Artıq neçənci dəfədir ki, bu hal yaşanır, bunu edən rəhbərlikdir. Nə tələbələrə hörmət edir, nə də sənətçilərə. İnsan çox gəlib deyə konserti ləğv etmək nə deməkdir?
Ölkədə karantin rejimi bitib, bu qayda-qanun nədir? Bu insanlar, biz sənətçilər oyuncaq deyilik. Biz vaxtımızı ayıraq, siz vaxt dəyişin, ləğv edin, ya da konserti yarıda kəsin. Heç bir universitet öz tələbələrinə və gələn sənətçilərə qarşı belə hörmətsizlik etmir, sadəcə ayıb olsun.
Tələbələr günahı məndə bilir, amma əmin olun ki, hər zaman problem BDU-da olur. Bu dəfə də qoymadılar, görüşək. BDU tələbələrinin hər dəfə əyləncəsinə “soğan doğrayan”, biz sənətçilərin zamanına sayğı duymayan hər kimdirsə bu paylaşımdan sonra inşallah cəzasını alar. BDU tələbələri, sizi sevirəm. 11 iyun “Elektra Events Hall”dakı konsertimizə gəlin, bu günün acısını çıxaraq”.
