Elvin Elxan (Müəllif)
“Telefonuma bu gün 4800 mesaj gəlib. Çalışıram ki, cavablandırım. İnanın, bir ad günü təbriki 45 dəqiqə vaxtımı aparır. Bir günə elə olur ki, 5 insanı səhifəmdə təbrik edirəm”.
OLAY yazır ki, bu sözləri aparıcı Hacı Nuran Hüseynov Baku TV-yə qonaq olarkən dedib. TV ulduzu “O kimdir?” verilişində bir çox məqamlardan söhbət açıb.
Hüseynov bildirib ki, onunla bağlı bir çox trendlər yaranıb:
“Pandemiya dövründə Arif Quliyev, Rəmişin yanına getdik. Elə oldu ki, onlar koronavirusdan dünyasını dəyişdi. İstər-istəməz insanlar bu şəkilləri yığıb trendə çevirdilər ki, mənimlə şəkil çəkdirənlər ölür. Əvvəl şoka düşmüşdüm. İndi incimirəm. Bizdə müəyyən bir şey çox tez trendə düşür. Parisdəki Notr-Dam kilsəsi önündə şəklim var idi. Bina yananda tez haradansa şəkli tapdılar, montaj etdilər ki, bina yanır, mən də yanında dayanmışam”.
