Pərviz Hüseyn (Müəllif)
Ötən gün “Cinemastercard” Gənclik Mall filialında “Qapı” filminin qala gecəsi keçirilib.
OLAY yazır ki, baş prodüseri və quruluşçu rejissorunun Vüsal Əhmədzadə olduğu filmin ideya müəllifi Əlixan Rəcəbovdur.
Gecədə bir sıra sənət nümayəndələri, aktyorlar, rejissorlar, ssenaristlər və kino dünyasından olan digər şəxslər iştirak edib.
Filmdə hadisələr iki nəfərin bir evə oğurluq etməyə girməsi və həmin mənzilin qapısının bağlanması ilə əlaqələndirilib. Fərqli obrazlar və hadisələrin yer aldığı ekran işi 10 oktyabrdan kinoteatrlarda yayımlanacaq.
Filmdə rolları Əməkdar artistlər Sənubər İsgəndərli, Rafael İsgəndərov, aktyorlar Kamran Ağabalayev, Taleh Yüzbəyov, Nurlan Rüstəmov, Emil Musayev, İlkin Xəlil, aktrisalar Zemfira Əbdülsəmədova, Kəmalə Onur və Kəmalə Piriyeva canlandırır.
Filmin baş prodüseri və rejissoru Vüsal Əhmədzadə, təsvir rejissoru Orxan Məmmədov, prodüseri İbrahim Heydərovdur.
