Elvin Elxan (Müəllif)Təxirə salınan OLAY.az internet qəzetinin bir yaş tədbiri ötən gün baş tutub.
OLAY yazır ki, şou portalının xüsusi gecəsində mədəniyyət üzvləri, televiziya simaları və media nümayəndələri iştirak edib.
Tədbirin aparıcısı Leyla Quliyeva bildirib ki, OLAY bu gündən etibarən tam müstəqil fəaliyyət göstərəcək. Belə ki, bir il ərzində “Liatris Holding”in tərkibində olan sayt sözügedən şirkətlə yollarını ayırır.
Şirkətin rəhbəri, həmtəsisçi Ruhi Əliyeva çıxış edərək OLAY.az-ın bir il ərzində uğur qazandığını qeyd edib, portalın artıq tam müstəqil fəaliyyət göstərəcək səviyyəyə çatdığını bildirib.
İş xanımı daha sonra OLAY-ın baş redaktorunu təqdim edib. Qeyd olunub ki, maqazin portalının məsul şəxsi jurnalist Elvin Elxandır.
Qeyd edək ki, OLAY.az “Liatris Holding”in tərkibində 2021-ci ilin oktyabrın 4-də fəaliyyətə başlayıb.
İnternet qəzetində şou, mədəniyyət, dəb, əyləncə, gözəllikdən bəhs edən müsahibələr, reportajlar, bloq yazıları işıqlandırılır.
Fotolar: Teymur Məmmədov
Video: Hüseyn Həsənov
