Samirə Ərəblinskaya (Müəllif)
Müğənni Aysel Əlizadə ilk dəfə evlənib boşanması ilə bağlı yayılan xəbərə münasibət bildirib.
OLAY yazır ki, bu barədə o, “MTV Magazin”ə danışıb. Aysel həmkarı Sevinc Ağaşirinovanın yaydığı məlumatın yalan olduğunu təsdiqləyib:
“Haqqımda xəbərlər çıxır. Məni evləndirirlər, boşandırırlar. Bir çox məqamlar var ki, hamısını üstümə atırlar. Bacardığım qədər bu mövzularda susmağı seçirəm. Nəyisə saqqız kimi çeynəmək lazım deyil. Haqqımda nə düşünürlərsə, göydə Allah var.
Kiminsə babalını yumaq, haqqına girmək düzgün deyil. Jurnalist dostlarımdan xahiş edirəm ki, xəbər çıxanda məni yığın, sizə düzgününü deyəcəm. Təsdiqini tapmayan xəbərlərdir. Lazımsız mövzulardır. Qoyun danışsınlar. Hər şeyin bir vaxtı var. Haqq-ədalət mövcuddur. O, baxımdan hər şeyə ehtiyat edirəm. Qalmaqaldan uzaq bir insanam. Buna baxmayaraq qalmaqal gəlib məni tapır”.
Qeyd edək ki, Sevinc “Səhər mərkəzi” proqramında Ayselin Türkiyədə ailə qurub ayrıldığını demişdi.
