Pərviz Hüseyn (Müəllif)
PMI korporasiyasının rəhbəri Yevgeni Finkelşteyn Kanye Uestin Rusiyada konsert verməsi barədə düşündüyünü bildirib.
OLAY yazır ki, bu ideya “Grammy” mükafatının qırmızı xalçasında baş verən qalmaqaldan və Yaponiyadakı may konsertlərinin ləğvindən sonra ortaya çıxıb.
O, böyük bir sənətçi üçün konsertin tez bir zamanda təşkil edilməsinin çətin olduğunu, amma bunun mümkünlüyünü qeyd edib. 2 fevralda Kanye West-in həyat yoldaşı Bianca Sensori “Grammy” mükafatında tamamilə şəffaf bir libasda iştirak edib və mətbuatın məlumatına görə, tədbirdən çıxarılıb.
Daily Mail-in məlumatına görə, bu qalmaqal Kanyenin Tokiyoda keçirilməsi planlaşdırılan 20 milyon dollarlıq konsert müqaviləsini itirməsinə səbəb olub.
Yaponiyalı tərəfdaşlar Uest və həyat yoldaşının hərəkətini məcburiyyət və nəzarət aktı kimi qiymətləndiriblər, buna görə müqavilə yenidən nəzərdən keçirilib.
Hazırda Kanyenin Rusiyaya gətirilməsi ilə bağlı konkret plan yoxdur, amma bu ideyanın mümkünlüyü müzakirə olunur.
