Samirə Ərəblinskaya (Müəllif)
Meyxanaçı Kərim Novruzovun (Ağakərim) oğlu Kamil şairə Nazilə Səfərlinin ittihamlarına cavab verib.
O, bu barədə OLAY-a açıqlamasında səsləndirilən iddiaları yalanlayıb. Kamil N. Səfərlinin qərəzli şəkildə paylaşım etdiyini bildirib:
“Nazilə xanımın paylaşımı qərəzlidir. Belə deyək, Maştağada yaşayırıq, buranın öz qanunları var. Evdə kişi olmayanda xanım qapını açmır. Onlar da mən evdə olmayanda gəliblər. Bizim məhəllədə qohumumuzun mağazasına yaxınlaşıblar, sonra mənə zəng etdilər. Mən dedim ki, evdə yoxam. Onlar da evə gediblər, qapını döyüblər, təbii ki, açmayıblar. Hansı düşüncə ilə video çəkib, bilmirəm. Amma heç bir qadağa yoxdur. Sadəcə gəlmək istəyən hər kəsə deyirəm ki, 3-4 saat əvvəldən xəbər edin. İş adamıyam, mən də evdə olum. Ağamirzənin çəkiliş etməsindən narazı olsaq, icazə verməzdik. O videonu mənim yanımda çəkib. Burada bir problem yoxdur. Bizim razılığımız olmadan, çəkiliş edən yeganə insan Nazilə Səfərlidir”.
Qeyd edək ki, N. Səfərli meyxanaçını ziyarət etmək üçün evinə yollanıb. Lakin ona qapı açan olmayıb. Bunun ardınca o, video çəkərək deyib ki, meyxanaçının oğlu Kamil nəinki sənət adamlarını, hətta qohumlarını da evə buraxmır.
