Dilşad Bəhruzqızı (Müəllif)Məşhur braziliyalı model Jizel Bündhen və Amerika futbolunun əfsanəsi Tom Bredinin boşanmaq qərarına gəldiyi iddia edilib.
OLAY yazır ki, “Page six”in xəbərinə görə, bir müddətdir ayrı yaşayan cütlük artıq vəkillərlə görüşməyə başlayıb.
“Onların evliliyi o qədər də yaxşı vəziyyətdə deyil. Jizel Tomun karyerasını ailəsindən üstün tutduğunu düşünür və bundan bezib. Bündhenin arzuları və əldə etmək istədiyi şeylər var. O, artıq hədəflərini təxirə salmaq istəmir”, - deyə, mənbədə bildirilib.
Xatırladaq ki, cütlük 2009-cu ildə ailə qurub. Onların bu münasibətdən 3 övladı var.
