Elvin Elxan (Müəllif)
Ukraynanın Xalq artisti, Rusiyanın estrada ulduzu Ani Lorak 2022-ci ilin yazından bəri ilk dəfə instaqram sosial şəbəkəsində paylaşım edib.
OLAY yazır ki, yeni şəklini izləyiciləri ilə bölüşən sənətçi bunları yazıb:
“Gözlərimi yumub bu sətirləri oxuyan hər kəsi qucaqlayıram. Ürəyim sevgi, ağrı, şəfqət, qorxu, həyəcanla dolub-daşır. Səhnə mənim həyatımdır. Səninlə eyni havanı nəfəs aldığım zaman yaşaya bilərəm. Mahnılarım ruhunuza toxunduqca mən oxuyuram”.
Oktyabrda A.Lorak oktyabrın 21-I böyük səhnəyə qayıdacaq. Onun Avropa şəhərlərinə konsert turu nəzərdə tutulub.
Xatırladaq ki, müğənni martın 1-də İnstaqramda Ukraynadakı hərbi əməliyyatlarla bağlı paylaşım edib, sonra sosial şəbəkədən yoxa çıxıb. KİV-in məlumatına görə, hərbi əməliyyatlar başlayandan sonra ifaçı Rusiya Federasiyasını tərk edərək müvəqqəti olaraq BƏƏ-də məskunlaşıb.
