Rəşad Əliyev (Müəllif)
Dünya şöhrətli keçmiş aktyor cütlüyü 49 yaşlı Ancelina Coli və 60 yaşlı Bred Pittin övladlarından ikisi paparatsiyaların obyektivinə tuş gəlib.
OLAY yazır ki, 16 yaşlı əkizlər Vivyen və Knoks Los-Ancelesin Los Feliz bölgəsində marketlərin birindən alış – verişdən çıxarkən görüntüləniblər.
Yeniyetmələr rahat geyimdə olublar.
Knoks yaşıl köynək, boz şort və “Nike” idman ayaqqabısı, Vivyen isə “oversize” cins şalvar, tennis ayaqqabısı və sinəsində ulduz olan sviter geyinib. Qardaş və bacı paparatsiyalara əhəmiyyət verməyərək bir-biri ilə ünsiyyət qurublar. Paketlərlə dolu evə qayıdan ikili nəyisə müzakirə edərək gülümsəyiblər.
Xatırladaq ki, Bred Pitt və Ancelina Colinin üç bioloji övladı var. Onların Knoks və Vivyendən başqa 18 yaşlı Şilo adlı qızı da var.
