Rəşad Əliyev (Müəllif)
Xəzər Media Mərkəzi 28 oktyabr “Beynəlxalq Animasiya Günü” ilə bağlı diqqət çəkən paylaşım edib.
OLAY yazır ki, bu münasibətlə kanal instaqram səhifəsində efirini bəzəyən bir sıra aparıcılarının süni intellekt vasitəsi ilə animasiya formatında hazırlanmış fotolarını yayımlayıb.
Şəkillərdə Aytən Səfərova, Mehman Rəsulov, Vüsalə Əlizadə, Aytəkin Mərdanova, Lalə Azərtaş, Leyla Mustafayeva və Tural Əsədov yer alıb.
Kanalın ulduz simalarının bu animasiya formatındakı fotoları sosial şəbəkə əhli tərəfindən maraqla qarşılanıb.
Qeyd edək ki, bu tarix 2002-ci ildən etibarən, Beynəlxalq Animasiya Filmləri Assosiasiyasının Fransa bölməsinin təşəbbüsü ilə, fransız rəssam və ixtiraçı Emil Reynonun icad etdiyi praksinoskopun ilk nümayişinin 110 illik yubileyi münasibətilə təsis olunub. İxtiraçı “optik teatr” adlanan bu cihaz vasitəsilə əllə çəkilmiş rəsmləri hərəkətə gətirib.
