Rəşad Əliyev (Müəllif)
Hollivud aktyoru Bredli Kuper və sevgilisi, supermodel Cidi Hadid növbəti dəfə paparatsiyaların obyektivinə tuş gəlib.
OLAY yazır ki, bu dəfə jurnalistlər İtaliyada, Palmarola adasının sahillərinə yaxın ərazidə yaxtada istirahət edən 49 yaşlı aktyorla 29 yaşlı modelin öpüşməsini lentə almağa müvəffəq olublar.
Bredli Kuper özü ilə birgə bu tətilə keçmiş sevgilisi İrina Şeykdən olan yeddi yaşlı qızı Leyanı da aparıb.
Hadid ilk dəfə bir neçə gün əvvəl Kuperin qızı ilə görüntülənib. Bredlinin anası Qloriya da onların yanında olub. Cicinin pərəstişkarları onun Kuperi müğənni Zeyn Malikdən olan üç yaşlı qızı Haya ilə tanış etməsini gözləyirlər.
Bredli Kuper və Cici Hadidin bir ildən az müddətdir görüşməsinə baxmayaraq, münasibətləri sürətlə inkişaf edir. Aktyora yaxın mənbənin sözlərinə görə, Bredli hətta sevgilisinə evlilik təklifi etməyə hazırlaşır. Ən maraqlı məqam isə Hadid və Kuperi tanıtdıran şəxsin İrina Şeyk olmasıdır.
