Rəşad Əliyev (Müəllif)
Xəbər verdiyimiz kimi, Hollivud aktyoru Val Kilmer Los-Ancelesdə 66 yaşında dünyasını dəyişib.
OLAY yazır ki, aktyorun ölümündən iki gün sonra ailəsi rəsmi açıqlama yayıb.
“Görkəmli aktyor, atamızın xatirəsini ehtiramla yad etdiyiniz üçün təşəkkür edirik. Biz onunla fəxr edirik və onun irsinin əbədiləşdiriləcəyinə şadıq. Hazırda biz öz kədərimizlə tək qalmaq istərdik” – deyə Kilmerin qızı Mersedes və oğlu Cek “People” nəşrinə açıqlamasında bildiriblər.
Qeyd edək ki, “Əbədi Betman” filmində “Betmen” obrazını canlandıran Val Kilmer aprelin 1-də Los-Ancelesdə 66 yaşında vəfat edib. Bu barədə “New York Times” məlumat yayıb. Kino ulduzunun ölümünə səbəb pnevmoniya olub. Aktyor 2014-cü ildən mübarizə apardığı qırtlaq xərçəngindən əziyyət çəkirdi.
Val Kilmer “İstilik”, “Əsl dahi”, “Billi uşaq”, “Məni yenə öldür”, “Min zəncirləri qıran adam”, “Morq küçəsindəki cinayətlər”, “Kral Co”, “Bir zamanlar ABŞ-da” və bir çox başqa filmlərdə rol alıb.
