Rəşad Əliyev (Müəllif)
“Netflix”də 20 yaşlı Deva Kassel və onun 25 yaşlı sevgilisi Saul Nanninin rol aldığı “The Leopard” (Bəbir) tarixi serialının treyleri yayımlanıb.
OLAY yazır ki, ekran işində cərayən edən hadisələr Siciliyada müxtəlif knyazlıqların bir krallıqda birləşməsi zamanı baş verir.
Süjet xətti yeni zamanın öz prinsiplərini güzəştə getməyə məcbur etdiyi Don Fabrizio Salinadan bəhs edir. Fabrizio çətin seçim qarşısındadır: ailənin rifahı naminə varlı bir qızla qardaşı oğlu Tankredi arasında evliliyə razılıq vermək və ya sevgisindən qızının Tankredi ilə evlənməsinə icazə vermək.
Serial italyan yazıçısı Cüzeppe Tomasi di Lampeduzanın eyniadlı romanı əsasında çəkilib.
Serial 5 mart 2025-ci ildə yayımlanacaq.
Qeyd edək ki, Deva Kassel italyan kinematoqrafiyasının məşhur simaları Vinsent Kassel və Monika Belluççinin evliliyindən olan qızıdır.
