Elvin Elxan (Müəllif)Özünüzü modasevər kimi təsvir edirsinizsə və dizaynerlər dünyasında nələr baş verdiyini maraqlandıran tərcümeyi-halları qaçırmırsınızsa, Apple TV-nin yeni serialı “The New Look“ axtardığınız həyəcanı sizə təqdim edəcək.
OLAY yazır ki, ekran işi bütün dünyada moda, trendləri formalaşdıran məşhur dizaynerlər Christian Dior və Coco Chanel-in həyatına diqqət yetirəcək. Hər iki modelyerin hekayələrini əks etdirən filmlərə rast gəlsək də, bu dəfə serial vasitəsilə onları daha yaxından tanıyacağıq.
Ekran işi real hadisələr əsasında yazılacaq. Layihədə Pierre Balmain, Cristobal Balenciaga, Hubert de Givenchy, Pierre Cardin və Yves Saint Laurent kimi digər mühüm adların hekayələri də yer alacaq.
Parisdə çəkiləcək serialın buraxılış tarixi hələ məlum deyil, ancaq onu indi izləniləcəklər siyahısına əlavə etməyi tövsiyə edirik!
