Reper Kanye Uest 2024-cü ildə ABŞ-da keçiriləcək prezident seçkilərində yenidən namizəd olacaq.
OLAY yazır ki, bu barədə o, “ABC News” telekanalına müsahibəsində deyib.
Jurnalistin musiqiçinin gələcəklə bağlı siyasi planlarının olub-olmadığını soruşduqda o, “Bəli, əlbəttə”,- deyə cavab verib.
Qeyd edək ki, hələ 2020-ci ildə Uest sosial şəbəkələrdə 2024-cü ildə qayıdıb yenidən ABŞ Prezidentliyinə namizədliyini irəli sürəcəyini vəd etmişxdi.
Həmin il reper ilk dəfə Prezidentliyə namizəd kimi iştirak edib və 60 min səs toplayıb.
