Rusiyalı cütlük İvan Birkus və Angelina Nikulau Nyu-Yorkdakı ən hündür binalardan biri olan “Empire State Building”in zirvəsində nişanlanıb.
OLAY yazır ki, cütlük maska taxaraq və təhlükəsizlik xidmətindən yayınaraq 443 metr hündürlüyündəki məşhur göydələnin 103-cü mərtəbəsində yerləşən texniki lyuk vasitəsilə damına çıxıb. Daha sonra onlar 60 metrlik telekommunikasiya antenasına heç bir təhlükəsizlik avadanlığı olmadan dırmaşıblar.
Orada cütlük “Sevginin gücü hakimiyyət sevgisini üstələdikdə, dünyada sülh olur” bannerini açıb.
Ekstremal nişandan sonra cütlük aşağı enib və binadan çıxarkən polis tərəfindən saxlanılıb.
