“Dedim ki, sənə var-dövlət yox, təhsil verəcəm”

Xalq artisti Nəzakət Teymurova qızı Nigarın Məkkə ziyarətindən danışıb.

OLAY yazır ki, bu barədə sənətçi “Pərvizə görə”də açıqlama verib. Xanəndə bildirib ki, Nigarın ziyarətindən gözəl hisslər yaşayıb:

“O qədər gözəl hisslər keçirmişəm. Həmişə qızıma deyirdim ki, Nigar, sənə var-dövlət yox, təhsil verəcəyəm. Bir də Allahın yoluna yönləndirəcəyəm. Təbii ki, ailə həyatı qurmaq da olmalıdır. Sənə dörd şey verəcəyəm, var-dövlət yox… İnsanın Allahla təmasda olmağı ayrı bir şeydir. Allah hər kəsə o bağlılığı vermir. Hər kəsi öz qapısına çağırır. Amma hər kəs o qapıya gedirmi? Şükür ki, namazında, orucunda olan, Allah sevən bir övlad yetişdirdim. Sevinirəm ki, övladım belə bir yolla gedir. Oradan zəng edir ki, ana, heç gəlmək istəmirəm, buranı qoyub, necə gəlim? O qədər ağlayırdı ki, deyirdi, burada ayrı hiss, ayrı duyğu var. Mən 2009-cü ildə orada olmuşam, sanki saflaşırsan, durulaşırsan, hər kəs eyni olur. Elə bil Allahın ayrı varlığı insana verilir. Deyirdi, istəmirəm gəlim. Dedim, necə gəlmək istəmirsən?”.