Rəşad Əliyev (Müəllif)
52 yaşlı dünya şöhrətli reper Eminem ilk dəfə baba olub.
OLAY yazır ki, bu barədə onun 29 yaşlı qızı Heyli məlumat yayıb.
Musiqiçinin qızı yeni doğulan oğlunun fotolarını instaqramda səhifəsində paylaşıb.
“Xoşbəxt tarix. Balaca “E” Yer kürəsində üç həftəlikdir”, - deyə Heyli paylaşımına şərh yazıb.
Şəkildə görünən boşqabdakı yazıya əsasən, körpə martın 14-də dünyaya gəlib.
Bundan əlavə, orada oğlanın adının məşhur babası Elliot Marşalın şərəfinə qoyulduğu da göstərilir.
Xatırladaq ki, Heylinin hamiləliyi ötən payızda əri Evan Makklintokla əllərində ultrasəs müayinəsi aparan fotolarını sosial şəbəkələrdə paylaşdıqdan sonra məlum olub. Daha sonra o, atasına ailəyə gələcək övladı haqqında danışıb və ona “Baba” yazısı olan köynək hədiyyə etdiyi bir video yayımlayıb.
Heyli 2024-cü ilin mayında ailə qurub. Onun seçdiyi şəxs 2016-cı ildən görüşdüyü Evan Makklintok olub. Onlar 2023-cü ilin fevralında nişanlandıqlarını elan ediblər. Eminem qızının evliliyini bəyənib və onun seçimini dəstəkləyib. Bu barədə isə Heyli müsahibələrinin birində danışıb. Reper özü qeyd edib ki, qızı ilə fəxr edir və onun ailə qurmazdan əvvəl ilk olaraq təhsilə diqqət yetirməsinə sevinir.
