Rəşad Əliyev (Müəllif)
Ötən gün Xalq artisti Zülfiyyə Xanbabayevanın doğum günü idi.
OLAY yazır ki, “Səs Azərbaycan” müsabiqəsininin münsiflərindən biri olan sənətçiyə digər münsif həmkarları Xalq artisti Röya Ayxan, Azərbaycana 2011-ci ildə “Avroviziya” sevinci bəxş edən Eldar Qasımov və bəstəkar – müğənni Murad Arif sürpriz hazırlayıblar.
Onlar şounun keçirildiyi məkanın kulisində bir araya gələrək Xanbabayevanı ad günü münasibəti ilə təbrik ediblər.
Zülfiyyə həmkarlarına təşəkkürünü bildirib və onun üçün hazırlanan tortun üzərində olan tacı başına qoyub. Daha sonra sənətçilər oxuyaraq şirniyyatdan dadıblar.
Həmin anları isə Eldar Qasımov sosial şəbəkə hesabında izləyiciləri ilə bölüşüb.
